Skip to main content

Benvida ao Taller de Cerámica de Arxilarte

É un pracer darvos a benvida ao noso obradoiro de cerámica, un espazo creado con moito esforzo para que poidades desenvolver a vosa creatividade e mellorar as vosas habilidades artísticas.

Para garantir o bo funcionamento do obradoiro e asegurar un ambiente colaborativo e respectuoso, cómpre seguir unha serie de pautas e tarefas que todos debemos respectar.
A continuación, detallamos o funcionamento das instalacións, as responsabilidades dos usuarios/as e a figura do mestre de obradoiro.

Horario de apertura

O obradoiro estará dispoñible para todos os socios/as de 17:00hr a 19:00hr.
Por favor, respectade o horario establecido e non permanezades nas instalacións fóra destas horas.

A figura do mestre de Obradoiro

No noso obradoiro contamos coa figura do mestre de obradoiro, unha persoa experimentada que estará dispoñible para guiarvos e axudarvos no uso das instalacións e ferramentas. Antes de utilizar calquera máquina ou torno co que non esteades familiarizados/as ou para o que non recibistes formación previa, deberedes notificalo ao mestre de obradoiro. El ou ela asegurarase de que coñezades as medidas de seguridade adecuadas e vos formará no uso correcto do equipo.

Uso das Instalacións

  1. Reserva previa: Para poder usar o obradoiro, é necesario que realicedes unha reserva previa a través do formulario de reserva.
    Isto permitirá evitar aglomeracións e garantir que todos teñan acceso ao espazo.

    As socias e socios de Arxilarte deben asistir con regularidade ao obradoiro.
    Poden faltar como máximo o 25 % das sesións trimestrais (por exemplo, 3 de 12 se veñen un día por semana).
    Superar ese límite pode supoñer a súa baixa como membro.

  2. Ferramentas e materiais: No obradoiro disporedes de ferramentas básicas e materiais de traballo.
    Por favor, utilizádeos de forma responsable.
    Se precisades materiais específicos ou adicionais, deberedes traelos pola vosa conta.

  3. Zona de traballo: Asegurádevos de deixar limpa a vosa área de traballo despois de cada sesión. Isto inclúe limpar as superficies, ferramentas e organizar os materiais.

  4. Forno: O uso do forno estará restrinxido a socios/as capacitados/as no seu manexo.
    Lembrade respectar as quendas de uso e seguir as medidas de seguridade correspondentes.

Tarefas a Realizar

  1. Mantemento do Espazo: Cada socio/a debe deixar o espazo limpo e ordenado despois de cada uso. Isto inclúe limpar as ferramentas e superficies utilizadas, así como devolver o material ao seu lugar correspondente.

  2. Uso dos Equipamentos: Se non estás familiarizado/a con algún equipo, como o torno ou o forno, notifícao ao persoal encargado antes de usalo. Asegúrate de recibir a formación adecuada para utilizar correctamente as ferramentas.

  3. Quendas de Uso: Consulta sempre o calendario de quendas dispoñible no taller para saber que días e horas están dispoñibles. É fundamental respectar as quendas asignadas para un uso eficiente do espazo.

  4. Cubrir a Ficha das Pezas: Cada vez que completes unha peza, lembra cubrir a ficha correspondente co proceso de creación, materiais e técnica utilizada. Este rexistro é fundamental para manter un control organizado das pezas creadas no taller.

  5. Horarios e Coordinación: Os horarios poden variar segundo a tempada. A principios de cada período, os socios serán informados dos posibles cambios.

  6. Autonomía e Coordinación: Os socios son responsables de coordinar o uso do espazo entre eles, asegurando un bo funcionamento para todos. Calquera dúbida ou problema pode ser comentada co encargado do taller.

Normas de Convivencia

  • O obradoiro é un espazo compartido, polo que pedimos respecto polos demais usuarios/as, tanto no uso das ferramentas como no mantemento dun ambiente tranquilo.

  • Evitade distraccións que poidan interferir co traballo dos demais, e respectade as quendas de uso dos equipos.

  • Está prohibido fumar ou consumir bebidas alcohólicas dentro das instalacións.

Formación e Actividades

O obradoiro tamén organiza sesións de formación para mellorar as vosas técnicas de traballo en cerámica.
Estade atentos/as ao noso calendario de actividades para participar nestas iniciativas.

Medidas de Seguridade no Obradoiro de Cerámica